![]("http://www.3roos.com/images/topic_tf.png")
السلام عليكم و رحمة الله و بركاته
فكرة يت في بالي و ابغي رايكم فيها
حابة انشر لكم صور و ريفيو و سواتشز ونصايح يومية مثل البلوقات
بس في المنتدى اشاركم بصور اشيا يديده او مب يديده خاصه بالمكياج و العنابة بالبشره بشرح بسيط ورايي فالمنتجات ... اتمنى ان الموضوع يعيبكم
موضوع حصري لمنتدى عروس
ولا أحلل نقله
ولا أحلل نقله
الوان الشتا
كلنا نتفق ان اللون البرغندي من احلى و اروع الالوان الشتويه
هذي مجموعتي المفضله
![]("http://www.3roos.com/files/ups/2012/69616/01357712538.jpg")
شادو ماك ليمتد اديشن اسمه semi- precious
روج من ماك اسمه diva
قلوس من ديور اسمه 982 BLACK TIE
مناكير شانيل malice 637
مجموعتي المفضله للبرونز المات واللي بلمعه ل 2012 و 2013
![]("http://www.3roos.com/files/ups/2012/69616/21357712538.jpg")
لمعة جيرلان
Terracotta sun elixir 01 ultimate gold
لي تحت عندي من زمان وهي ليمتد لكن الحين بدين اعطيها حقها واستخدمها الحين روعه على عظمة الخد
Terracotta Africa RYTHM pearly sun powder هاللمعه قصتها قصه شفتها من زمان و كل ما اسال عنها يقولون لي انها نازله من زمان و مب متوفره خلاص و نسيتها وفي يوم لقيت اخر حبة و صدق فرحت اني لقيتها وايد حلوة لمعتها قوية وتجنن
Hard Candy GLOW tropical tan and instant bronze
لمعة هارد كاندي خيال و هذي شيمر برونز و رهيبه الصراحه و رخيصه المشكله انها متوفره في اماكن قليلة و اغلب المواقع ترفض الشحن ف وصيت ربيعتي تيبها لي و فعلا المدح لي عليهم كان في محله و انا ما قاومت الدرجات كلها روعه
Sephora mattifying foundation 55
المفروض تكون بودرة بس انا لاحظت ان الدرجات الغامجه رهيبه للكونتور و فعلا بدون لمعه وروعه عالبشره البودره هذي
اخر صورة لليوم
ريفيو عن فاونديشن من ريميل
![]("http://www.3roos.com/files/ups/2012/69616/11357712538.jpg")
فاونديشن يناسب البشرة الدهنية
تتشربه البشرة بسرعه وخفيف عليها تغطيته اقدر أقول متوسطه ل ثقيلة يغطي المسام حبيت هالشي ولاحظته على طول يجف سهل التوزيع ما يخترب طبعا جربته امس واليوم
أمس بدون مرطب واليوم بمرطب .. بالنسبة لي حبيت النتيجة بالمرطب لان بشرتي وايد جافة ف إذا بشرتج جافه لازم كريم مرطب لانه يخطط بدونه ... اما للي بشرتهم دهنيه فهو يكفي بدون مرطب ما يدهن ولا سبب لي حساسية خمس ساعات فقط كانت فترة التجربه �� بعد ما بخليه أكثر من جذي .. و أمانه ترى الجو الحين غير يباله تجربه فالصيف عشان أتأكد من كلامهم انه ضد الحر والرطوبة أعطيه ٦/١٠
في شي واحد ما حبيته فيه ان لونه يتغير بالرغم اني ماخذه لون اغمج عني بس بعد التوزيع يقلب رمادي .. و عدلته بالبرونز يعني يا فرحة ما تمت يا هند
طبعا هذا رأيي الشخصي فيه ممكن حد يحبه أكثر عني ويطلع بيرفكت عليهم .. اما انا انقهرت انه تغير..... نصيحه من وحده من الخوات اني لازم استخدم برايمر قبله وان شاء الله اجرب واشوف
chanel Pro lumiere + perfection lumiere
![]("http://www.3roos.com/files/ups/2012/69616/01357807163.jpg")
البرو لوميير للاسف قطعوه من كل محلات شانيل !! انا كان عندي منه عينات صغيره وجربته روعه و يجنن عالبشره يناسب كل البشرات في رايي الشخصي و انا لان بشرتي جافه حاليا كان يخلي ويهي مشرق و ما كنت احط فوقه بودرة يعجبني بدونها اما للي بشرتهم دهنية شوية بودره والفاونديشن خيال
البيرفيكشن لوميير هو لي نزل بديل عنه امانه مب احلى عنه لكن بعد روعه تغطيته متوسطه و يوحد لون البشره وشريت بودرة لهم من شانيل بعد
البوردة اسمها comfort radiance compact powder
نااااااااعمة تحسين كانها مش بودره و تناسب الفاوونديشن
والحين شانيل نزلوا درجات غامجه منوعه والفاونديشن عندهم لي على بيج او وردي او برونز
البوردة اسمها comfort radiance compact powder
نااااااااعمة تحسين كانها مش بودره و تناسب الفاوونديشن
والحين شانيل نزلوا درجات غامجه منوعه والفاونديشن عندهم لي على بيج او وردي او برونز
بلشر كريمي من ELF اسمه ELF HD BLUSH
الدرجة:DIVA
الدرجة:DIVA
![]("http://www.3roos.com/files/ups/2012/69616/01358067450.jpg")
بلشر رخيص سعره ما يتعدي ال 20 ردهم
لكن جودته جدا عاليه ولونه ولا اروع
الصورة تبين اللون قوي ويخوف لكن بالدمج يبين وايد حلو
صح حجم العلبه صغير لكن بيعمر عندج لان تحتاجين نقطه صغيره لكل خد
للاسف مي متوفرين فالبلاد
لكن جودته جدا عاليه ولونه ولا اروع
الصورة تبين اللون قوي ويخوف لكن بالدمج يبين وايد حلو
صح حجم العلبه صغير لكن بيعمر عندج لان تحتاجين نقطه صغيره لكل خد
للاسف مي متوفرين فالبلاد
![]("http://www.3roos.com/files/ups/2012/69616/01358145093.jpg")
![]("http://www.3roos.com/files/ups/2012/69616/01358145878.jpg")
